Рэспубліканская навукова-практычная канферэнцыя "Спадчына Язэпа Драздовіча: мастацтва, краязнаўства, археалогія, мовазнаўства" адбылася ў г. Глыбокім. Прапанаваныя даклады вызначаліся разнастайнасцю тэматыкі, што падаецца цалкам натуральным. Разнастайна і спадчына Драздовіча, якая захоўваецца ў Цэнтральнай навуковай бібліятэцы НАН Беларусі.

3 мая ў Цэнтральнай навуковай бібліятэцы НАН Беларусі адбылася прэзентацыя кнігі "Вайна - трагедыя і памяць народа: расказваюць сведкі падзей".

У артыкуле адлюстравана мовазнаўчая дзейнасць Якуба Коласа ў Інстытуце беларускай культуры, якая была звязана с распрацоўкай тэрміналагічнай сістэмы беларускай літаратурнай мовы.

У Астраўцы гродзенскай вобласці 8 чэрвеня прайшло адметнае мерапрыемства "Роля старабеларускай пісьмовай спадчыны і беларускіх народных гаворак ва ўмацаванні гістарычнай памяці народа". Удзел у імпрэзе ўзялі супрацоўнікі Цэнтра даследаванняў беларускай культуры, мовы і літаратуры НАН Беларусі. На сустрэчу прыехалі дырэктар Інстытута мовазнаўства Ігар Капылоў, загадчык аддзела гпісторыі беларускай мовы Наталля Паляшчук, вядучыя навуковыя супрацоўнікі гэтага аддзела Ірына Будзько і Эльвіра Ярмоленка, загадчыца аддзела дыялекталогіі і лінгвагеаграфіі Вераніка Курцова, загадчыца аддзела выданняў і тэксталогіі Інстытута літаратуразнаўства Алена Васілевіч.

У Інстытуце мовазнаўства імя Якуба Коласа адбыўся круглы стол "Пётр Апанасавіч Бузук: набыткі нацыянальнай лінгвагеаграфіі", прысвечаны 130-годдзю з дня нараджэння заснавальніка беларускай лінгвагеаграфіі. На імпрэзе дэманстраваліся скарбы з фондаў аддзела рэдкіх кніг і рукапісаў Цэнтральнай навуковай бібліятэкі НАН Беларусі, у якіх захоўваюцца і выданні П. Бузука.

Каляды з Масленкай — гэта гульні, песні, танцы і абавязкова багатае застолле. Ні каляднае частаванне, ні тым больш масленічнае не абыходзіцца без бліноў, аладак. А як яшчэ гэту страву называюць? Кандыдат філалагічных навук Вераніка Курцова, загадчыца аддзела дыялекталогіі і лінгвагеаграфіі Цэнтра даследаванняў беларускай культуры, мовы і літаратуры Нацыянальнай акадэміі навук, часта бывае ў лінгвістычных экспедыцыях і мае адказы на такія пытанні.